ನೆಲ್ಯಾಡಿ ಜ್ಞಾನೋದಯ ಬೆಥನಿಯಲ್ಲಿ ಉಪ್ಪಿನಂಗಡಿ ವಲಯ ಮಟ್ಟದ ಕ್ರೀಡಾ ಕೂಟ.

ನೆಲ್ಯಾಡಿ ;ಅ. 22-23 ರಂದು ಉಪ್ಪಿನಂಗಡಿ ವಲಯ ಮಟ್ಟದ ಪ್ರಾಥಮಿಕ ಮತ್ತು ಪ್ರೌಢ ಶಾಲಾ ವಿಭಾಗಗಳ ಕ್ರೀಡಾಕೂಟ ನಡೆಯಲಿದ್ದು. ಇಂದು ಆರಂಭಗೊಂಡಿತು ಉಪ್ಪಿನಂಗಡಿ ವಲಯದ 13 ಪ್ರಾಥಮಿಕ ಶಾಲೆ ಗಳು, 14ರ ವಯೋಮಾನದಲ್ಲಿ 14 ಶಾಲೆಗಳು, 17ರ ವಯೋಮಾನದಲ್ಲಿ 12 ಶಾಲೆಗಳು ನೋಂದಣಿ ಮಾಡಿಕೊಂಡಿವೆ.

ನಾಳೆ ಬೆಳಿಗ್ಗೆ ಗಣ್ಯರ ಉಪಸ್ಥಿತಿಯಲ್ಲಿ ಅಧಿಕೃತ ವಾಗಿ ಉದ್ಘಾಟನೆಗೊಳ್ಳಲಿದೆ. ಬೆಥನಿ ವಿದ್ಯಾ ಸಂಸ್ಥೆಯ ಪ್ರಾಂಶುಪಾಲರ ರೆ. ಫಾ. ಡಾ. ವರ್ಗಿಸ್ ಕೈಪನಡ್ಕ ಅಧ್ಯಕ್ಷತೆ ವಹಿಸಲಿದ್ದು. ಉಪ್ಪಿನಂಗಡಿ ಠಾಣಾಧಿಕಾರಿ ಅವಿನಾಶ್ ಎಚ್ ಗೌಡ ದೀಪ ಬೆಳಗಿ ಉದ್ಘಾಟಿಸಲಿದ್ದಾರೆ . ಶ್ರೀಯುತ ಇಕ್ಬಾಲ್ ಮತ್ತು ಕೆ. ಪಿ. ಟಿಟ್ಟಿ ಕ್ರೀಡಾ ಜ್ಯೋತಿ ಬೆಳಗಲಿರುವರು. ಕ್ಷೇತ್ರ ಶಿಕ್ಷಣಾಧಿಕಾರಿ ಲೋಕೇಶ್ ಎಸ್. ಆರ್ ಧ್ವಜಾರೋಹಣ ನಡೆಸಲಿರುವರು. 

ಬೆಥನಿ ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಜಯಾನಂದ ಬಂಟ್ರಿಯಾಲ್ ವಿವಿಧ ಶಾಲಾ ಮುಖ್ಯಸ್ಥರು, ಸಂಪನ್ಮೂಲ ವ್ಯಕ್ತಿಗಳು ಮತ್ತು ಹಲವು ಗಣ್ಯರು ಮುಖ್ಯ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ.ಸಂಜೆ 3.30ಕ್ಕೆ ಸಮಾರೋಪ ಸಮಾರಂಭ ನಡೆಯಲಿದೆ.